تلفزيون مفتوح !

استيقظت مبكراً صباح هذا اليوم، وعلى غير العادة.. التجأت إلى مشاهدة التلفزيون .

ابتدأت بالتقلّب بين جحيم القنوات الفضائية، وانتهيت عند قناة دينية يسفلها شريط كتابيٌّ طريف (جداً) .

فلنتفرج معاً !

 

– لو سمحتوا .. زوجي حالف إني ما أولد إلا بالبيت، تعرفون مولّدة ممتازة ! ، هذي ثالث ولادة لي، وولاداتي السابقة كانت بالمستشفى، انصحوني .

 

لا حول ولا قوة إلا بالله، رسالتها أبكتني 😦 .. لمَ الرجعية يا رجُل !

 

– بنااات .. فصّلت قبل سنتين فستان ملكتي عند إيلي صعب بـ2000 ريال !!! .. وأبيعه بـ3500 !!!

 

فستان بألفين ريال فقط !

وإيلي صعب بعد !

وبتبيعه مستخدم بأعلى من السعر الأصلي !

 

– خلطة مضمونة لتصغير الخشم وتطويل القامة ! .. 2 في 1 … اللي تبغى رقمي تلقاه عند الكنترول .

 

لا تعليق !

كثرت مثل هذه الادعاءات على شاشات التلفزيون بشكل مقزز .

 

– أنا وأختي وحيدات أمي .. وما عندنا شغالة، والحين أنا انخطبت .. المشكلة إن أختي تقول لأمي إنها ما تقدر تشتغل لحالها، تبغى شغالة … وانا زعلانة .. ليش يكرفوني طول السنين . ويوم انخطبت بيجيبون شغالة؟ .. وش رايكم؟

 

هذي قهرتني مرة !

 

– بنات الله يوفقكم الله يسخر لكم أزواجكم .. علموني من وين أقدر أشتري فستان لعرس أخوي بأقل من 500 ريال؟ الفساتين نااار !

 

فستان عادي للعيد ما نلقى بـ500 .. أجل بتلقى فستان عرس بهذا السعر؟

 

– اليوم صلحت له فطور وكاس عصير برتقال.. وقبل شوي صحى .. وقلبي لما شفته يرفرف يرفرف .. ابتسمت له وقال لي : “الله يلعنك” !!!!! ليش نمتِ بدري ،العيال أزعجوني أمس !!

 

شر البلية ما يضحك !

 

– الحقوا عليّ .. أنا قصيرة ونحيفة، وخطبني واحد دب وطويل .. اش رايك أوافق وإلا لا؟

 

أين المشكلة ! 😦 أرهقتنا السطحية !

Advertisements

7 تعليقات to “تلفزيون مفتوح !”

  1. RaWaN ... Says:

    هههههههههههه معقول فيه ناس كذا ؟!!!

    الحمدلله على النعمة الي حنا فيها.. و عحبي !

  2. نـــ/ــــص تفاحـــهـ Says:

    خخخخخخخخخخخخخخخخخخخخخخخخ
    هههههههههههههههههههههههههههه

    يووووهـ هذآ شيء تآفهـ مآقول غير اللهـ المستعآنـ 😦 😛

  3. محمد Says:

    هههههههههههههههههههههه

    بالله وش اسم القناة!!

    يا الله على ناس زي كذا ..

    من جد ما قدرت أقاوم نفسي وكريت ضحك 😀

    بس راعية تصغير الخشم شيء ثاني ..

    فعلاً تفاهة ..

  4. العائِشَة Says:

    هههههههههههه

    يا ذا السطحيه
    متى بينزلون للدور الاول
    بس تسطيح يا ناس

    بالله ايش اسم القناه
    احتاج للضحك هاليومين كثير 🙂

  5. مُـنِـيـرَة Says:

    🙂

    أما اللي راحت تنام بدري عشان الفطور هههه

  6. زينة Says:

    روان .
    وهناك .. أكثر من ذلك بكثير !

    نص تفاحة .
    هههه خبرك بالتفاهة .. داء منتشر !

    محمد .
    اللي يقهر أكثر، إنه لا زالوا الناس يدورون عن ذا الخلطة حقة تصغير الأنف .
    مشكلة والله .
    اسم القناة : … تحتفظ الجزيرة باسمها 🙂

    العائشة .
    الجو بالسطح أحلى 🙂 بعيد عن كل شيء 😦
    والله ما كنت ناوية أخرّب على راعيها 🙂 .. لكن سألتِني بالله، ولأن محمد كسر خاطري.. اسم القناة (بداية) 🙂

    مونيرا .
    يا حليلها .. والله رحمتها .. شوي وبابكي لما قرأت رسالتها .
    رجالنا جفااااف 😦

    شكراً جميعاً .
    سعيدة بكم .

  7. غـيم Says:

    هههههههههه
    شر البلية مايُضحك ..
    أحيانا أفكر أحط لاصق معتم بشكل أفقي أسفل التلفزيون ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s


%d مدونون معجبون بهذه: